पोखरामा दैनिक नयाँ नोट सटही

पोखरा-नेपालीहरुको महान पर्व विजया दशमी पर्वको अवसरमा पोखरामा दैनिक साढे पाँच करोड रुपैयाँको नयाँ नोट सटही हुने गरेको छ । नेपाल राष्ट्र बैंक पोखरा शाखाले गत शुक्रबारदेखि नयाँ नोट साट्न सुरु गरेसँगै दैनिक एक हजार ५० जना भन्दा बढीले ५ करोड ५० लाख भन्दा बढी नयाँ नोट सटही गर्दै आएको नेपाल राष्ट्र बैंक पोखरा कार्यालयका सूचना अधिकारी रामकुमार कार्कीले बताए ।

राष्ट्र बैंकले कास्कीसहित ८ जिल्लाका नोटकोषबाट समेत नयाँ तथा सुकिला नोट सटही गर्दैछ । पोखराबाट मात्रै करिब एक अर्ब २५ करोड नयाँ तथा सुकिला नोट सटही गर्ने योजना रहेको बैंकले जनाएको छ ।